يوم الفدا أعطى سعادة دروس وحكم
بمعنى الشهادة والإبا والتضحية بالدم
وقف وقفة عز ما الها مثيل
بتاريخ الدني والناس وبكل الأمم
وقف يتحدى الموت مرفوع الجبين
متل نسر عالي بالقمم
وقف بتحدى الموت شامخ متل صنين
كأنو قبلها مية مرة انعدم
وصوت السلاسل بالليل كلو أنين
يعزف لحن البطولة بأحلى نغم
وبعد ما خلصت كل المراسيم
وصار الوقت لتنفيذ الحكم
قلن اتركو عيوني مفتحين
تا شوف الرصاص كيف قدامي انهزم
قالوا لا… هيك القانون
قلن سعادة انا بحترم النظام وابتسم
قال عندي كلمة قولا للتاريخ
واحفرو كلامي بعقولكن وشم
انا ما همني كيف بموت
لبش بموت هو الأهم
انا ما بعد ايامي اللي عشتها
بعد اعمالي وهي بميزاني الحكم
شهادتي وقفة عز وهي الشرط
لتصون حزبي وتحمي العلم
يا خجل هالليلة من التاريخ
اللي فيها العدل ضاع وانظلم
وصار الوقت واصطفوا الجنود
وبواريد الغدر تلمع بالعتم
وفي حصى تحت ركبتو بتوجعو
ما راد طعم الشهادة يمتزج بطعم الألم
سأل جلادو يشيلها وشالها
قلو سعادة شكرا وابتسم
قلو سعادة شكراً رددها مرتين
والتالتة قطعها الرصاص وكتم
ودوى الرصاص واخترق صدر الزعيم
الفادي الشهيد اللي وفَّى بالقسم
وتناثرو الدمات شمعات نور
يضووا طريقنا وعي وعلم
وتناثرو الدمات متل بركان
يفجر زوابع نار وحمم
وتناثرو الدمات متل طوفان
يحطم جهل العقول ويهد الصنم
وتناثرو الدمات متل اعصار
يشد العزيمة ويشحذ همم
وتناثرو الدمات وكان النفير
للنصر اللي ما عاد حلم
والأرض متل الأم الحنونة وناطرة
لتحضن ابنها وتخفف عنو الألم
تماني تموز بوم الشهادة والفدا
يا ليلة الفيها العز بالدم انرسم
تماني تموز الفيها سعادة داس الموت
لتحيا سورية بكل مين أدى القسم
بيوم الفدا عرفنا كيف انو الموت
بيرتفع فوق فوهة العدم
