تموز كل ماب تجي وحامل جرح تموز
منكون نحنا وإنت فينا الجرح ذاتو
***
جرحك لهيبو غلّى المي بقلب الكوز
والجرح فينا غِلي الإكبار جواتو
***
اغتالوا الزعيم وعبث .. يقدر الموت يفوز
ولليوم كلما الفدى بتهل راياتو
***
منشعر بهاد الحقد، الحقد بقلوبنا مغروز
الفاتو بصدر الزعيم بصدرنا فاتوا
***
هونيك فوق الرمل والرمل صار كنوز
وصاروا دخاير مجد .. للمجد حباتو
***
وكل اللي ماتوا معو .. بالحزب صاروا رموز
بالعمر ماتوا جسد .. بالروح ما ماتوا
***
وهيك الزعيم العلى اسمو الخلد محجوز
استشهد وشرط النصر كتبو بدماتو
***
أنهى حياتو حكم والحكم ما بيجوز
ينهي حياتو .. وبشر بتقول وحياتو
***
هاشم المير محمود
