محلا صهيل الفرس
والصدى يملّي السهل
تمشي مشية غندرة
تمشي عالهدى عَمهل
تمشي مشية غندرة
ومشنشلة ومهيوبة
وصوتها متل غناني بعرس
متل حزة ربابة بالليل مسحوبة
هيدي فرس محبوبي
وحقي منها غار
بيبقى معا عطول
ومعي بس نهار
وطلت الكحلا… أهلا ومية أهلا
حلوة وفارسها احلا…
يلى من الغلا أغلى
ولفي لابس حطاطة وشال
والعبى مقصب ولونها بلون العقال
وباروتو الكلا عز
بتتغاوى على كتافو وتعتز
ان حكي… بتسكت الدني
وان مشي تحتو الأرض تهتز
ولفي يا زينة الفرسان
يا زينة الربعة والمنزول
وعدي الك باقي وحبي الك عطول
